Jimi Agbaje fesun kan ijoba ipinle Eko lori bi won se ni awon LASSAA wo patako ipolongo e

Jimi Agbaje

 

Oludije fun ipo gomina labe egbe oselu PDP nipinle Eko, Ogbeni Jimi Agbaje ti fesun kan ijoba ipinle Eko ati ileese to n ri si patako ipolowo iyen Advertisement Agency (LASSAA) lori bi won se dide ogun soun, nipa bi won se n wo awon patako ipolongo oun kaakiri ipinle naa.

O soro yii lakooko towo te marun un ninu awon osise naa lojo Aiku Sannde ti won si fawon le awon olopaa to wa lagbegbe Pedro, Somolu, nipinle Eko.

Oruko awon osise towo te naa ni Julius Opebenyo, Tunde Akanbi, George Benson, Yinka Adejuwon ati Saba Edgal. Won ni owo te won nigba tawon eeyan ri won ti won ko awon patako naa sinu moto nla kan lagbegbe Third Mainland Bridge.

Bo tile je pe moto nla ti won fi ko patako ku die ko sa mo awon eeyan lowo, sugbon ti ori tako won, bee la tun gbo pe awon osise  LASSAA towo te naa wo aso ise pelu kaadi idanimo ileese won lowo.

Nigba to n soro nipa isele naa,Oludije labe egbe oselu PDP nipinle Eko naa so pe  o ti le ni ogorun un patako ipolongo won lo ti dawati sowo awon osise LASSAA naa.

O ni igbagbo oun ni pe ise tijoba ipinle Eko ran awon osise naa ni won n je lati maa fi gbogun ti won, O ni ibanuje okan lo je foun pe ninu ijoba tiwa-n-tiwa lorileede yii, iru nnkan bee le maa sele.

O ni ijoba tiwa-n-tiwa ko faye gba iru nnkan bee. O ni loooto ni won polongo ijoba demokiresi sugbon won ko fi huwa rara bigba ti won fi n ba nnkan je ni.

O salaye pe gbogbo awon ohun elo ipolongo oun lawon osise LASSAA yii baje ti won ko si fowokan ti Babajide Sanwoolu, tawon jo je oludje gmiina.

Ninu atejade kan ti Ogbeni Felix Oboagawina to je alakoso feto iroyin fun Jimii Agbaje gbe jade lo tun ti sapejuwe iwa tawon LASSAA naa hu gege bi eyi tii ko bojumu. O ni iwa odaju ni won hu, o si ye ki won fofin gbe won.

O wa ro awon olopaa lati sise lori awon towo te naa, ki won si fi won jofin.Bakan naa la gbo pe Jimi Agbaje ti so pe kawon osise LASSAA naa da awon patako ipolongo naa pada sibi ti won ti ko won.