Mo fee ki Egba pada sipo olori ti a je-Segun Sowumi

Segun Showumi

Bi won ba n daruko okan lara awon oloselu, ti oro da lenu e, ti ki i figba kan bokan ninu, Segun Sowumi je okan ninu won, o si ti wa ninu egbe oselu PDP, o ti le lodun die seyin.

Laipe yii ni okunrin jade lati dupo asoju-sofin niluu Abuja lati soju ekun Abeokuta South ninu ibo to n bo lodun 2019. Okunrin naa gbalejo oniroyin nile e to wa ni Abeokuta, ohun to ba wa so niyii lati so Abeokuta di tuntun ju bo se wa tele lo.

Nnkan tawon araalu ri lara mi ti won fi ni ki n jade

Mo dupe lowo Olorun aarin awon eeyan ti mo fe loo soju fun ni mo n gbe, iwa rere ni mo si n wu laaarin won. Gbogbo igba ni mo maa n wa pelu won, ti won ba ni nnkan se, mo maa n da won lohun. Mo si n se nnkan ti mo lagbara lati se fun won, bi won se wa yen, opo nnkan ti mo ni lo n bo si won lowo.

Mo feran won, mo si maa n ri pe nigba ti ko si eto kankan tijoba se fun won lati ran won lowo, ni mo se ro pe a fi kawa eeyan dide si won. Mo maa n fe ki won mo pe won ni eeyan kan pe ti won ba de odo e yoo tan isoro won.

Nigba tawon naa si rii pe mo ni akinkanju, mo si maa n duro nibi ki nnkan dara, mo si maa n fe ilosiwaju niluu, mo si tun maa n gbiyanju lona to dara lati kopa to joju lawujo, mo si ti n lo bii ogun odun laarin won ti mi o gbe apoti ibo ri, ti won si maa n ri, bi mo se maa n se ti elomin in ba gbe apoti, ti mo maa n sare siwaju, sare si osi , ti mo maa fori se, forun se fun won.

Awon funra won lo wa pe mi pe eyi to wa nita yii, awon fee eni to maa gboro sawon lenu, tawon naa yoo maa gbo tie. Ni mo se so pe Olorun a gba fun wa, ati pe emi naa ti sakiyesi bi won se n se pelu mi ife yen sise pelu ara won ni. Aimoye ogunlogo egbe lo ti wa ba mi pe Segun, to ba je ti ibo asoju sofin niluu Abuja, iwo la maa dibo wa fun. Nitori won mo pe mi o ki i seeyan buruku bee ni mi o ki I sonijagidijagan.

Lori wahala to n sele ninu PDP nipinle Ogun          

Nnkan to sele ni pe ohun to n bawon leru gbodo ba emi naa leru, sugbon eeyan ko gbodo ku sile de iku, a si gbodo maa ba ise lo ni, a si ti mo pe oruko ti wa labe akoso Bayo Dayo ni won gbe jade gege bi oludije ti won le dibo fun un. O si duro lori ofin pupo ati oro tile-ejo so.

A o gbodo se nnkan tonikaluku yoo fi maa se ohun to ba wuu lai bowo fun ofin. Iyen ni mo ri, ti mo si tun mo pe won feran mi, o si da mi loju pe laarin odun meloo, won yoo pari gbogbo gbonmi –si- omi- o- to to n sele ninu egbe naa.

Ibi ti won ba si fi ori e ti si, gbogbo wa naa lo ma foju wa ri sugbon mo nigbagbo pe didun losan yoo so, nitori ibi ti mo wa, ibi ti ona wa ni.

Emi o tie ki i bawon se nnkan to ba yapa, idi ti mo fi so bee nip e a o le so pe ki awa laaarin ilu, ka ma wo ibi ti ofin wa, iyen ni yoo je olutoni lati mo nnkan to ye ko se. A fi ki Olorun ba wad a si oro oselu, nitori ki i se nnkan to dara kawon olori egbe maa da nnkan ru lati oke. Nitori e ni gbogbo e se n se jagajaga, ati otun ati osi.

Idi tawon eeyan fi ni ki jade dupo asoju-sofin niluu Abuja

Idi tawon eeyan fi ni ki n jade ni fun ekun Abeokuta South nile igbimo asoju-sofin niluu Abuja nip e kin ni ka ti gbo pe Abeokuta to je oluulu ilu Egba, a maa wa laaarin gbagede awon akegbe wa, a o ni le soro pe nnkan bayii la n fe fawon eeyan wa, iru nnkan bayii, ni a ro to si je mi logun pupo, nitori o ti to akoko, A ni lati to omo wa nipa eto eko,lati le je ki won mo nnkan to n lo ni agbaye.

Bee ni mo tun n ro pe awa naa ti to ni osibitu nla meji, mo tun ro pe o ye ki a mu ere idaraya lokunkundun nile Egba lona ti yoo fi di okoowo fun wa.Mo tun roo pe a gbodo ni asa kan, ti gbogbo aye yoo ma wa ba wa da si. Eyi to wa je mi logun ju lo, to se koko nip e, ko te mi lorun bawon eeyan wa ko se lowo lowo. O ye kawon eeyan ni nnkan ti won maa fi sise, ti won maa fi bo ara won. Ogbon ti a maa da lati je ki won maa ri nnkan se. A o si da si bi won se n seto ilu, ti okan gbogbo ilu yoo bale. Mo nigbagbo pe gbogbo nnkan meremere ti a fee gbe se, Olorun a gba fun wa.

Mo tun maa bawon si ofin eyi ti yoo dekun bi won se n mu ogun oloro,yato si pe won maa mu awon to n mu, awon to ba n ta gan-an gbodo jiya labe ofin. Mo fee je ki a pada sipo olori ti a je, olori yen, awon omo ibe lo le je ka debe nigba ti a ba se nnkan gbogbo to ye ka se.

Emi o si fee de Abuja ti yoo wa ma da ipinle laamu, nitori mi o fe ki won da Abeokuta laamu. Bii pe ki gbogbo nnkan maa lo letoleto.Mi o si ni boruko mi je lai ati lailai.

Lori ki won dibo fun oruko oludije tabi egbe

Mejeeji naa ni, to ba ni ko dibo fun oruko sugbon won ko gba oludije aladaani ti ko ni si labe egbe kankan.Nnkan to wa n sele bi mo se n wo ibo odun 2019, afaimo ko ma je pe oruko lawon eeyan yoo dibo fun laiwo egbe to ti jade. O si ba emi naa lara mu, nitori mi o fe ki won maa fawon radarada eeyan sipo. Eni ti ko ye a o gbodo fun amo, eni to ba ye ka dibo gbe e wole, igbagbo temi niyen.

Nipa ka maa fowo ra ibo

Ki Olorun ko gba wa lowo osi ati ise, ki I se pe a n mu owo yen teletele a fi n ra ibo, a kan maa n  fowo se pe won fee ki eeyan jade, won fee ra epo si moto sugbon nigba tawon ijoba APC de be ti won se bee ni Ekiti ati Osun, tawon eeyan bere si ni rii ti won ba owo yen je. A gbodo fofin de, ki won bawon to n se iru nnkan bee wi.

A gbodo gbagbo ni ajo INEC  

Bi a ko ba gbagbo ninu ajo INEC ta ni a wa fee gbagbo ninu e to maa ba wa seto ibo, ebe la maa be won, ki won jo, ki won ro ojo ola ni.Ki gbogbo e lo nirowo rese.

Amoran mi fawon eeyan mi ni Abeokuta South

Mo be eyin gbogbo eeyan mi ni Abeokuta South, mo be yin ki e gba rukutu ti mi lati wole sipo asoju-sofin, mo si seleri pe mi o ni doju ti yin,,Olorun ko ni doju ti yin.