Gongo so niluu Ibadan, lojo tegbe osere ANTP ipinle Oyo fawoodu dawon eeyan lola.

Oloye Lekan Alabi laarin omo egbe ANTP ati TAMPAN lojo naa

Ojo Abameta, Satide, ose to koja yii legbe osere ANTP ti eka ipinle Oyo sayeye alarinrin kan ni gbongan Cultural Centre to wa niluu Ibadan, bakan naa ni won tun lo anfaani ojo naa lati fawon eeyan kan ni awoodu.

Ohun to je ki ayeye ohun fi ya awon eeyan lenu ni bi won se ri awon omo egbe osere TAMPAN, eyi ti Sokoti saaju won wa bawon egbe naa sajoyo.

Idi ni pe lati nnkan bi odun meta seyin ti wahala ti wa ninu egbe osere ANTP tawon kan fi yapa loo da egbe TAMPAN sile ni ko ti ajosepo to danmoran laarin won, debi pe won ki i pe ara won sise, nibi to le de ka ni won n ka ara won mo koro ni, won yoo maa gba ara lese daadaa, nibi ti ija naa buru de.

Sokoti ati Jimoh Aliu

Sugbon laipe yii ni ija naa pari, bo tile je pe a tun gbo labele pe ko tii pari tan patapata, enu aye ni won n saa fun laarin ara won. Won ni aimoye igba ni Jimoh Aliu naa ti loo sibi ayeye TAMPAN, lati le je ki irepo fi wa.

Bi Sokoti tun se wa saaju awon eeyan e wa sibi ayeye ANTP niluu Ibadan ti fihan pe ife ti won fee ko joba laarin won ti pada. Eyi lo mu inu Oloye Lekan Alabi, okan lara awon to gba awoodu lojo naa dun pe se pe awon mejeeji si tun le bara won se po.

O wa lo akoko naa lati bawon soro ki won je ki gbogbo nnkan to ti sele seyin ko di afi seyin ti eegun fi aso, ki won si maa bara won se gege bi tomotiya.

Lara awon to da awon eeyan lara ya

 Ninu oro Gomina egbe naa, Musiliu Dasofunjo topo mo si Jogunomi, oun naa ko fi idunnu e pamo lojo naa, o ni loooto ANTP duro gege bi Baba to ti bi omo pupo, lara awon omo naa ni Ambasedo, Imman, ati TAMPAN, o ni awon dupe pe gbogbo pe ki ANTP ati TAMPAN maa foju ri ara won ti loo sokun igbagbe.

Dasofunjo ati Pastio Sunday Imisi nibi ayeye naa ni

 Lojo naa ni won fun awon eeyan bii Oloye Lekan Alabi, Pasito Sunday Imisi, Baale Yemoja atawon mi in lami eye. Lara awon to wa nibe lojo naa ni Oloye Jimoh Aliu, Oloye Lere Paimo atawon agba osere mii in.