Obinrin le se daadaa ju okunrin lo ninu oselu- Abiodun Oyefusi

Omooba- binrin Abiodun Oyefusi to je oludije fun ipo seneto ni ekun Lagos East labe egbe oselu PDP ti so pe o da oun loju pe obinrin si le se ju awon okunrin lo ninu oselu ti won ba le fun won laaye.

Obinrin naa soro yii lakooko to n ba awon oniroyin soro niluu Eko lori erongba e lati dije fun ipo omo ile igbimo asofin niluu Abuja iyen seneto ninu ibo gbogbogboo ti yoo waye lodun 2019.

O so pe bawon obinrin naa se n jade lati dupo fawon to se koko ninu oselu je nnkan to wu ni lori eyi to ti n yato si ti tele,o ni pelu boro se ri yii I fihan gbangba pe awon obinrin naa ko fee maa fee fa seyin mo.

Bakan naa lo tun ro awon oludibo lati ma se dibo nitori pe boya o je okunrin lo dije bi ko se pe ki won dibo feni ti won mo pe to le se daadaa ko baa je obinrin.

O so pe ojoojumo loju maa n la si bayii, o si ye kawon oludibo mo nnkan ti koja bii ti tele nidi oselu, nitori opo nnkan tokunrin ko le se nidii oselu lobinrin le se ju bee lo ti yoo si mu iderun bara ilu.

 |O ni edun okan lo je pe obinrin ko tii depo gomina ati aare lorileede n yii sugbon idaniloju wa pe obinrin si maa debe. O ni awon obinrin ni nnkan ti won le se lati le mu ki itesiwaju ba orileede.Nitori laarin awon eni to le se gomina tabi aare ti yoo mu ilu dun wa ninu iyen ti won ba faye gba awon.

Abiodun Oyefusi tun salaye siwaju pe titi di akoko ti a n soro yii, eni to n dari oro aje to daa ju lagbaye obinrin lo n dari e.

Nigba to n menuba nnkan to mu ifaseyin bawon obirin ti won ki I fi ni asoju pupo nidi oselu, oludije naa so pe lodun 2018 ida ogota lawon to si je pe awon ki I kopa ninu oselu sugbon ni bayii, ida marundinlogoji lawon fee, ki won kopa, ki won si ro won lagbara.

Nigba to n so nnkan to ni lokan fawon eeyan e, Omooba- binrin naa so pe oun setan lati je ku nnkan rorun fawon eeyan ibe, o ni ko nii je isoro foun nitori aarin won bi oun si toun si tun dagba si. Ati pe gbogbo nnkan ti won ba fee ni yoo maa te won lowo lakooko.