Nitori Dapo Abiodun Egbe oselu APC lapapo yeye Amosun - BO SE RI

Breaking

Saturday, 27 October 2018

Nitori Dapo Abiodun Egbe oselu APC lapapo yeye Amosun



Asiko ta a wa yii ki i se akoko to dara fun Gomina Ibikunle Amosun tipinle Ogun nitori bo se n ba ijakule pade latigba ti won ti seto ibo ipade gbo-gbo-gbo egbe naa lori eni to fee ko se gomina leyin oun, iyen Abdulkabir Akinlade.

Iwadi fi ye wa pe gbogbo igbese ti okunrin Gomina naa n gbe boya o le bori awon ti won jo n fa oro naa ni ko seso rere to si je pe titi di akoko yii se ni Amosun si ko agidi bori.

Ohun kan to si n jade lenu e ni pe Akinlade toun fowo sii ni yoo je oludije fegbe oselu APC ki i se Dapo Abiodun ti igbimo ti won yan lati seto ibo naa iyen NWC daruko ni yoo dije.

Bo tile je pe latigba ti wahala naa ti bere la gbo pe okunrin naa ko ti ni isinmi mo, o fee je pe Abuja lo n gbe ju amo gbogbo irinajo to n rin naa ko I tii si eyi to so eso rere.

Bi a ba si ni ka woo, yoo ti to eemeta otooto ti okunrin naa ti se ipade po pelu Aare Mohammadu Buhari ti won lo fee lo ore ofe pe oun ati okunrin naa sunmo ara won.

 Bakan naa lo se je pe lojo Aiku,Sannde,to koja yii ni okunrin ohun tun ko awon oba laye meji, Oba Adedotun Aremu, Alake tile Egba ati Oba Kehinde Olugbenle,ati Seneto Iyabo Anisulowo loo sodo Aare Buhari, ko si si nnkan mii in bikose oro pe dandan Akinlade toun mu naa ni ki won boun fowo si gege bi oludije.

Sugbon bi igba ti okunrin naa n fakoko re sofo loro ri, nitori awon alase egbe ko setan lati yi ipinnu won pada, Dapo Abiodun ni won fowo si pe oun lo jawe olubori nibi ibo ti won seto e naa.

Nigba ti Amosun tun de lati Abuja lojo Aje, Monde, ose yii bombu lo tun ju ranse sawon agba egbe kan ninu egbe oselu APC,awon naa ni Asiwaju Bola Ahmed Tinubu, Oloye Segun Osoba ati Adams Osiohmole to je alaga egbe naa lapapo, o fesun jibiti kan awon eeyan naa lori ibo egbe naa to waye nipinle Ogun.

O ni awon eeyan naa ko soro lori wahala to n waye nipinle naa, eyi to tumo si pe won fowo Dapo Abiodun, ti ko si ye ko ri bee,a fi bo se di ana an, ojoruu, Weside, ti Mallam Lanre Isa- Onilu to je alukoro fegbe oselu APC lapapo foko oro ranse si Amosun, nibi to ti yeye e, to ni alada nikan se eeyan ni to si se afojudi egbe pe kin ni won fee se.

O so pe latigba ti imurasile eto naa ti bere ni Amosun ti so ara e di Olorun lori awon eeyan, ti ko si fi tegbe se, gbogbo nnkan toun naa mo pe ko tona, lo se to si roo pe oun ni agbara ju egbe lo.

O ni Aare Mohammadu to lo n sa ba nitori pe won sunmo ara won naa mo pe pataki ni egbe, ati pe gbogbo nnkan to n so naa ni aare naa n beeere nipase ona ofin, o ni ko si ipada seyin mo, ete lo ba de Amosun, nitori Dapo Abiodun to wole lawon wa leyin e.

No comments:

Post a comment

Pages