Wọn ni Tinubu gbe oludije gomina meji mi in dide si Ambode

Bi nnkan ṣe n lọọ yii afaimọ ki erongba Gomina ipinlẹ Eko, Akinwumi Ambode, lati pada sipo gomina lẹẹkeji labẹ ẹgbẹ oṣelu APC ma foriṣanpan nitori bi wọn ṣe ni Asiwaju Bọla Ahmed Tinubu gbe alatako meji dide sii lati ba a figagbaga ninu ibo pamari ẹgbẹ naa.

Gẹgẹ bi BOṢERI ṣe gbọ, awọn meji ti wọn lawọn naa ti gba fọọmu oludije fun ipo gomina ipinlẹ ọhun labẹ ẹgbẹ oṣelu naa ni Ọgbẹni Babajide Sanwoolu Oluṣọla ati  Dokita Ọbafẹmi Hamzat.

Latigba tawọn eeyan naa si ti gba fọọmu la gbọ pe ọkan Gomina Ambọde ko ti balẹ mọ, ti wọn ni ọkunrin naa n ṣe ipade  loriṣiiriṣii pẹlu awọn eeyan ẹ.

Iwadii fi ye wa pe gbigba fọọmu awọn meji naa ko sẹyin Baba isalẹ wọn, ti wọn tun pe ni Baba sọ pe iyẹn Aṣiwaju Bọla Ahmed Tinubu atawọn agba oṣelu kan ninu ẹgbẹ naa.

Ohun tawọn kan tun sọ ni pe o ṣe e ṣe ko jẹ pe Ambọde naa ni wọn yoo fun ni tikẹti ọhun pada ṣugbọn wọn kan fẹẹ fi faa si irin ni.

Amọ awọn kan tun sọ pe irọ to jinna soootọ ni, nitori awọn agba oṣelu kan wa ninu ẹgbẹ naa ti ọkunrin naa ti ṣẹ ṣugbọn ti wọn n duro di iru akoko yii lati gbẹsan lọwọ.

BOṢERI tun gbọ pe iru nnkan to n ṣẹlẹ yii, ko ṣẹṣẹ maa ṣẹlẹ ninu ẹgbẹ naa, wọn ni bi wọn ṣe ba gomina tẹlẹ nipinlẹ Eko, Raji Faṣọla faa nigba to fẹẹ ṣe ẹlẹẹkeji ree, ko to di pe wọn fun un ni tikẹti naa pada.

Bakan naa niwadii tun fi ye wa pe ọpọ awọn to n ba Ambọde ṣiṣẹ ninu wọn dun si nnkan to n ṣẹlẹ naa to fi mọ awọn kọmiṣanna ẹ, ti wọn sọ