Ifowosowopo egbe oselu lo le le e egbe oselu APC lo nipinle Osun - BO SE RI

Breaking

Thursday, 13 September 2018

Ifowosowopo egbe oselu lo le le e egbe oselu APC lo nipinle Osun


Otunba Segun Adewale to je oludije fun ipo gomina labe egbe oselu ADP ninu ibo to waye nipinle Ekiti laipe yii ti so pe ohun kan pataki to le mu ki egbe oselu APC fidi remi ninu ibo to n bo losu yii ni ti ki gbogbo egbe oselu sise papo ki won si wa ni isokan.

 O soro yii lakooko to n ba awon oniroyin soro ninu ofiisi e, O so pe iriri sagba oluko pelu gbogbo awon nnkan toun ti ri nipa oselu, o ni bawon egbe oselu ba le jo fimo sokan lati sise po pelu egbe oselu ati oludije tawon araalu gba tie, o ni o da oun loju pe Aregbesola ati Oyetola to faa kale yoo fidi remi ninu ibo to n bo naa.

Okunrin to ti figba kan je alaga fegbe oselu PDP nipinle Eko, ko to fegbe naa sile darapo mo egbe oselu ADP nipinle Ekiti tun salaye pe
ka ni iru nnkan bee lawon se ni Ekiti, APC ko ni lo agbara ijoba apapo ti won lo le awon lori, amo oro ko ri bee se ni gbogbo won faake kori pe dandan konikaluku se tie lotooto.

Adewale so pe bi gbogbo awon egbe oselu yooku ba le panupo o da oun loju pe didun losan yoo so nibi ibo ti yoo waye lojo kejilelogun osu yii.

Okunrin ohun tun gba awon oludije fun ipo gomina bii Alaaji Moshood Adeoti  latinu egbe oselu ADP, Seneto Iyiola Omisore toun wa lati SDP ati Seneto Ademola Adeleke tegbe PDP niyanju lati jo sise po ni isokan ti won ba setan lati gba ijoba lowo APC. 

O  ni bo tile je egbe APC le fee lo agbara ijoba apapo, owo lati CBN ati eleto idibo, olopaa ati soja lati fi bori sugbon ti imo awon egbe oselu yooku ba sokan, won ko nii le se.

O ni gbogbo omo Naijiria lo setan lati le  APC kuro nijoba ninu ibo to n bo lodun 2019.


No comments:

Post a comment

Pages