Odale awa Yewa ni Olusegun Osoba

Egbe agbagba ile Yewa ti ke gbajare faraye pe kawon eeyan gba awon lowo Oloye Olusegun Osoba to ti figba kan je gomina nipinle Ogun tele lori bi ko se ro rere kan awon lati di gomina lodun 2019.

Alaaji Mohammed Ajibola Olagbayi to je alaga fegbe awon agbagba Yewa lo soro yii lakoko ti won se ipade po peluu awon oniroyin losan yii ni Iwe  Iroyin niluu Abeokuta.

O soro yii lati fesi si oro ti won ni Oloye Olusegun Osoba so pe won ko ti pin ipo gomina si isori kankan ninu isori metetaa ti won pin ipinle naa si sugbon awon yoo fa eni to kun oju osuwon jade takoko ba to.

Okunrin to gbenuso fawon egbe agba ile Yewa so pe latile lawon ti mo Osoba gege bi eni a lo pa ti, won ni  se lo so awon Yewa di ohun alopati ti ko si ye ko ri bee.

Won ni kii se akoko yii to je pe awon eeyan pataki lawujo bii Oloye Olusegun Obasanjo to je aare tele lorile ede yii ati Gomina Ibikunle Amosun peluu awon min in ti panupo so pe Yewa ni gomina odun 2019 kan ni Osoba wa n so iskuso jade pe won ko tii pin ipo gomina si isori

Gege bi oro ti Oloye Olagbaye se so, o ni Osoba ko sese maa se iru e, asiko si ti to lati pariwo e faraye nitori o fee so awon di amunisin.

Okunrin naa so pe ' Lojo kesan osu kejo odun yii ni Oloye Olusegun Osoba to tun je Araba Yewa soro kan nile e ni Abeokuta pe won ko tii pin ipo gomina fodun 2019 sibi kankan ati pe eni to ba wu lati Ijebu le jade sita, ko wa du ipo naa"

O ni oro yii ku die kaato to je pe akoko tawon ti fimo sokan lati fa gomina kale lati bi ogoji odun le seyin ti won ti da ipinle naa sile.

Egbe agbalagba ile Yewa ti won je ti gomina so pe o ti pe die seyin ti Osoba ko ti ro rere ko awon, fun apeere lodun 1992, se ni won lo fa oludije meji kale laarin won lati fi tako Ojogbon Afolabi Olabimtan ti gbogbo araalu se tie.

Bee naa ni won lo je esu leyin awon laarin won lodun 1998 si 2003 sugbon ti Olorun gbeja awon ja lodun 2007.

Sibe won ni ko tii deyin leyin awpn naa, won wa ro lati peluu won nipa ipolongo lati je ki Yewa di gomina. Bakan naa ni won tun so pe egbe awon nii se peluu oselu.

Olagbaye tun so pe awon gbo pe won tun ti fee maa lo awon eeyan kan lati fi da aarin won ru, amo Olorun ko ni gba fun won, Bee ni won ro gbogbo egbe oselu lati rii le won fa oludije gomina won kale lati Yewa

Sugbon ni bayii, Oloye Kayode Odunaro to je akowe Iroyin fun Oloye Olusegun Osoba nigba to fi wa nipo gomina so pe ko si ooto oro ninu ipade tawon agbalagba Yewa naa gbe jade nitori ko sigba kankan ti Oga oun yii tako Yewa lati ma se di gomina.

Ninu atejade to gbe jade losan yii lo fi tako ipade tawon eeyan naa se ati pe o lowo oselu ninu. O ni gege bi enikan to ti sise peluu Osoba, toun si tun sun mo won daadaa, oun nigbagbo pe awon agbaagba naa si oro toga oun so yii so gbo ati pe ko si ninu awon eeyan ti won pejo naa ni won beeere oro lowo Osoba nipa erongba e lati je ki  Yewa di gomina fodun 2019.

Odunaro so pe o je iyalenu le ninu awon ti won pe ara won ni agbagba naa ni won ti ba Osoba sise po ri ti won si mo bi oro Yewa,

O nI gege bi imo oun,nnkan to je Oloye Olusegun Osoba lokan ni ki Yewa di gomina lodun 2019 bee lo ni idagbasoke agbegbe naa tun je lohun.Nitori idi eyi awawi ni oro awon agbagba naa won si fee fi da wahala sile ni.