Gbogbo igba nipinle Ogun satileyin fawa Fijilante - Ganzallo

Osu to koja yii ni oga agba patapata fawon fijilante nipinle Ogun, VSO, Ogbeni Soji Gazallo pe odun kan to ti dori ipo naa, to si ti n se adari fajo naa. Bo tile je pe opo ipenija lokunrin naa ti koju sugbon ti Olorun Oba muu saseyori. Laipe yii lokunrin naa gba BO SE RI lalejo ni ofiisi e, nibi to ti ba wa so opo oro nipa ise naa, ati awon atileyin ti won gba lodo ijoba eyi to je ki aseyori tun po si.Eyi lawon oro to ba wa so.

 

Ta ni Soji Ganzalo

Bi a ba ni ka maa so itan igbesi aye wa nibi ti a ba a de yi, Mo ro pe ile a kun die, a fi ka ge peepeepee. Oruko mi ni Soji Ganzallo, mo wa lati idile Adebayo Ishola Ganzallo ti won je omo bibi ilu Abeokuta lati Ake, nibe ni won bi mi si.

 Mo loo si ileewe alakobere niluu Ibadan, mo tun loo si ileewe girama ni Iseyin District Grammar School, nigba ti mo kuro nibe, ni mo tesiwaju ninu iwe mi, nigba ti mo loo sileewe giga poli, iyen Ogun State Polytechnic nigba yen, to ti wa di Moshood Abiola Polytechnic bayii.

 Leyin ti mo setan nibe ni mo loo si yunifasiti ipinle Ogun, Ogun State University, OSU ko too di pe mo bere sii ni sise ijoba ni Ogun State Agricultural Development Programme ti a mo si OGADEP ko to  di pe mo kuro nibe lati tun loo kekoo loke okun nipa imo aabo, ti mo wa fi n sise se lonii in.

 Igba ti mo de ni mo wa di eni to n darapo mo ajo Fijilante, iyen Vigilante Service of Ogun State, VSO ti a da a sile lodun 2011. Mo bere lati ibi ka maa sise aabo ati alukoro ajo yi, ko to o di pe mo wa fi gun oke agba lati di adari ipinle Ogun, iyen State Commander ni ojo kejila osu karun odun 2016. Bi a ba ni ka wo o daadaa, mo sese pe odun kan ni bayii.

Awon wo la n pe ni Fijilante

E je ki n so bi Fijilante se je gan an ni pato. Fijilante ni agbofinro to wa laarin awon eeyan wa, to n sise laarin awon eeyan wa lati je ki aabo pe ye. Bi nkankan ba sele lawujo wa, awon to n gbe be, ti won gbo ede, ti won mo oju ile, awon tawon eeyan wa fokan tan, awon ni won maa koko fi to leti, awon yi la mo si Fijilante, to je pe won wa laarin awon eeyan wa.

 Ifokanbale wa fawon eeyan wa to je pe bi won ba so fun won nipa nnkan to n sele lawujo, A mo ara wa, ti awon kolorosi eeyan ba wo agbegbe kan, ti a ba ni ka wo o daadaa, awon to je Fijilante ni won ma a koko mo pe ajeji leni yi, ki i ba wa gbe teletele, ise Fijilante gangan niyen, lati ri i pe won n mojuto aabo to wa ni gbogbo agbegbe wa.

 Ise aabo to pe ye ni igberiko, ni aarin ilu wa,  awon to n ba wa gbe, ti a jo n sun, ti a jo n ji, awon ni Fijilante, ti won n mojuto aabo wa, ta a ba ri nkankan to ku die kaato lori oro aabo, a le sare pe won lati fi to won leti, ti won a si se nkan to to, ati ohun to ye lesekese, ti kii se pe bo ya a fe e duro dola tabi ose to n bo.

Idi ti mo fi mu ise fijilante lokunkundun

E se e, ti e ba wo igbesi aye mi daadaa, igbesi aye mi bere lori ki n maa sin awon eeyan mi. Nigba ti mo wa nile eko, mo je oludari ti a mo si aare egbe awon akekoo Public Administration.

 Mo fe ki n maa sin awon eeyan mi lawujo ibi ti mo ba wa. Ko to o di pe mo loo ko eko nipa eto aabo, mo ti n sise pelu olopaa, eyi ti a mo si Police Community Relations Committee to je ajosepo awon araalu atawon olopaa.

Bi a ba wo daadaa, ni gbogbo igba temi bere pelu won, ajosepo araalu pelu olopaa ko dan monran rara, won ko ri olopaa gege bi eeyan rere. Awon ise ti mo yan laayo niyen nigba ti mo wonu egbe PCRC lati ri pe a se atunse pelu awon elegbe mi ti a jo n sise papo nigba naa.

Latigba naa ni won ti fi mi si ipo lati maa yanju aawo to wa laarin awon Fijilante to wa nipinle Ogun, nitori pe se ni won pin si orisii mewaa. A ni lati ko won papo sona kan.

Nigba ti mo ti keko nipa aabo, mo wa a ri gege bi ojuse mi fun ipinle mi to je ipinle Ogun lati ri pe aabo to peye fese mule ni gbogbo awon igberiko. bi e ba wo ise Fijilante, e e ri pe ise aabo awarawa, iyen grassroot security la n se, ti mo fi wa bere si I se ise aabo, to je pe ibi ise Fijilante ni mo wa a yan laayo lati bere. Ki wa a se pe Fijilante nikan, ti e ba ti wo o daadaa, e e ri pe ati olopaa, ati soja ati sifuu difensi patapata ni mo n ba ni ajosepo lori oro aabo. Gbogbo awon eka to n sise aabo nipinle Ogun ati kaakiri orileede Naijiria ni Soji Ganzallo n ba se papo lati rii pe ilosiwaju eto aabo to pe ye wa nipinle Ogun.

Ise Fijilante ti wa tipe, ode la n pe won

Bi a ba ni ka wo ise ti Olorun koko da nigba to da ile aye, ise ode ni. Nigba ti Olorun da awon eeyan sinu ogba Edeni, Olorun fi won so ara won, ibe ni ise ode ti koko bere.

Gbogbo ode ti a n so yii, emi gan an, bi mo se n baa yin soro, olori oga ode ni mi, Olopaa, ode ni, Soja, ode ni, Sifudifensi, ode ni, ise ode ni gbogbo wa jo n se, o kan wa yato si ara won ni.

A ko le wa fi oju ti atijo wo o iru ode ti a je, ode aperan wa, ode to n so eeyan lawa je, awa kii se ode apaayan. Ode ti a n se ni lati sode awon kolorosi lawujo wa, iyen awon odaran, obaluje tabi awon ti won le ba aabo wa je lawa n se lati mu won.

Lori oro ti e beere, ise ode lasiko igba yen, tawon baba wa n so odi ilu, igba yen, e e rii pe bi won ba n so oja to tobi repete, o le je enikan soso lo maa wa nibe, awon eeyan a wa maa beere pe bawo ni baba agbalagba yi se n so oja to tobi too yi, o ni bi won se n se e, o ni ogbon ti won n da si.

Ise ode naa ni won n se. Ise ode yi naa lo dagba soke, lo gberu, ni gbogbo eka to wa n yo jade ninu e ti bere sii yo jade, eyi ti Fijilante ko gbeyin ninu e. Ise ode ni ode n je.

Ogbon ta n da si fijilante ti wa, to fi yato sode

Mo ti so saaju pe mo loo soke okun lori oro aabo, oro aabo ti koja wi pe a n de igbadi, onde, a n se oogun lati so ilu. O ti koja be. Awon ti won n digun wa ba wa laariin ilu, awon ti won n ja wa lole, awon naa n soogun. Bi o ba wa a je oogun la wa ni a fe e gbekele lati maa fi sise ode, se e rii pe a a fe mehe die. O ti yato. Ona igbalode la fi n sise aabo lasiko yi, kii se pe ka maa di igbadi mora tabi onde mora kaakiri.

Mo nigbagbo pe ogun wa

Se la maa n tan ara wa je lorileede ti a wa yi ni, awon ti e n so pe won ko nigbagbo pe oogun wa yi naa n se oogun. Ti a ba wo o daadaa, a ti ri eni to je pe Pasito ni, to je pe o n kede igbagbo fawon eeyan, sugbon nigba ti isele sele, ti won tu ara e, won ba oogun lara e.

E so fun mi, se ko nigbagbo ninu oogun lo n di mo ara kaakiri, a bi bawo lo se de ara e? Bee naa ni ti elesin keji naa, iyen awon Musulumi ti a mo. Awon te n soro won yii naa iyen awon olopaa, soja, ti won ba n loo soju oogun, opolopo n de nnkan mora ki won to  lo.

Bi a ba so pe ko soogun, a n puro tan ara wa je ni. Emi o le ba eeyan so pe ko soogun o, sugbon ofin ile wa ko fese e mule pe oogun wa. Ti mo ba so pe eni kan lu mi ni ogun, to mu mi maa wu awon iwa kan, ko si ofin to fese e mule pe nkankan wa ti won le fi lumi to le mu mi maa wu iru iwa bee.

Ona ti won maa fi to ni ona igbalode, ki won gbe onitohun loo sileewosan, ki won si wo bawo lo se je, kini nkan yen se sele sii, ohun ni ona ti a mo laye taa wa niisinyi.

Ohun lo fa to fi je pe ijoba ko gbagbo pe oogun wa, a o le lo sile ejo lati lo maa rojo pe oogun lo fi na mi, o ni lati le fese e mule ni ona iwadii tigbalode pe nnkan to fi na mi yen lo sise yi ti o de le nira die lati se, lo je kawon eeyan maa wo pe ko soogun. Sugbon bi mo se jokoo ti yin, emi mo pe oogun wa o, ka ma so pe ko soogun.

Aseyori mi laarin odun kan gege bi oga agba

E se pupo. Mo dupe lowo Olorun alaaye to gba wa laye, to si fun wa ni alaafia pipe lati le sin ipinle ati orileede wa Naijiria. Lenu odun kan ti mo di oga agba ileese Fijilante nipinle Ogun yi, ee ri wi pe iwuwasi awon Fijilante, mo ti gbiyanju lati yi pada lopolopo lati ri wi pe gbogbo ise ta ba n se, a gbodo se pelu ofin nitori pe eto awon eeyan wa labe ofin wa nibe.

A o gbodo te awon eeyan wa loju mole. E e ri wi pe bi Fijilante se n sise ti yato si tigba kan, ko si pe bi Fijilante ba mu enikan, o maa so pe won n lu oun tabi won fi iya aito je oun tabi won lo ti oun mo ibi kan. Gbogbo iwa bee ti kase nile ninu Fijilante.

Gbara ti mo ti di oga agba pata ni mo ti jade loo kaakiri gbogbo ibi ti eka wa wa lati ri pe ko sibi kan ti won n pe ni seli nibi ti won le ti eeyan mo ni gbogbo eka ti a ni nipinle Ogun.

Bi won ba ti mu eeyan, a fi ki won loo fa a le olopaa lowo.  Lona keji ewe, e e ri pe imura awon Fijilante lenu igba ti mo debe yi ti yato si bi won se n mura tele. Aso buraun (brown) la n wo tele, aso to gba idoti ni, sugbon a o tun gbodo ri ara wa gege bi onidoti eeyan, lati fi wa yii pada, e e ri pe iwoso won ti yato si tele, won ti n mo yato, bi won se n wo bata naa ti yato. A tun ti wa n gba awon eeyan kun awon ti a ti ni tele, kii sii se pe a n gba awon eeyan ti ko loye. Eni to iwe eri to kere ju ni eni to ni iwe mewaa, kii waa se iwe mewaa lasan, o gbodo yanranti.

Kii se pe pe boya mo kawe mewaa, mo wa feeli, Fijilante lo ku ti mo wa fe e se, ko ri bee. Idanilekoo loorekoore la n se fawon eeyan wa lati ri pe a ko won lawon nnkan to ye ki won mo lati sise won bo ti to ati bo ti ye.

Lasiko mi, niwonba odun kan to koja yi, bi eemefa la ti se idanileko ni ileewe wa. Asiko ti mo di oga agba yi ni a da ileewe Fijilante sile, ti a pe ni Vijilante Academy to wa nilu Ilaro nibi ti a ti n ko awon eeyan lekoo.

Ijoba ipinle Ogun lo si fun wa nibi ti a n lo, ti won si fun wa lawon nnkan to ye ka ni, eyi to n mu ise rorun fun wa. A tun n ran awon eeyan wa jade sita. A ti se idanileko alapapo olosekan gbako pelu awon Sifu difensi, a ti se pelu awon olopaa to je pe awon olopaa ni won wa si ile eko wa lati wa da awon eeyan wa lekoo lori oro aabo.

Leyin ti mo debe, mo ti se igbega fawon oga kaakiri ti a fi kun ipo won, opo won la so di apase, (director) ni gbogbo awon eka ti a ni nipinle Ogun. Awon oga agba lekun kaakiri, iyen Zonal Commander la tun ti ro lagbara ju ti tele lo lati le sise bo ti to ati bo ti ye.

Leyin ti mo de be ni won tun da ijoba ibile idagbasoke, LCDA ti won yo lara ijoba ibile ogun, ti a ni tele sile, lasiko yi ni mo ti yan awon alakoso sibe kaakiri. Ti e ba tun wo o daadaa, laarin odun kan yi, a ti sise takuntakun pelu awon olopaa lati sise papo ko awon kolorosi eeyan lawujo wa, paapaa awon adigunjale ti won ko je ka gbadun lowo wa ti te, awon to wa ni tesan ti wa nibe, tawon min in si ti foju bale ejo.

Awon ise ti a ti seyin ko see fenuso tan, eyi lo je ki ijobba ipinle Ogun funra e kan saara si wa pe ise la n se.

Awon to yapa ninu wa, a ko ri ti won ro

Emi o ti e ri awon ti won yapa loo si VGN rara depodepo pe maa mu won gege bi orogun. Bi a ba ni ka wo o daadaa latigba ti won ti pe ara won ni nnkan ti won n je, e so fun mi, araalu meloo lo gburo won. ole meloo ni won ti mu, ijoba wo lo mo won, araalu meloo lo mo won, awon wo lo ti gba won lati gbe ise fun won ti okan won si bale lori ise ti won gbe fun won? Emi o ro pe o ye ka ti e la ara wa loogun lori eleyi rara.

Ise ti a mu lokunkundun lati se ni aabo awon eeyan wa, mi o ri won bi orogun rara. Ise ti a gbe siwaju, tijoba gbe le wa lowo, tawon eeyan wa gbe le wa lowo lawa n se, ki Olorun ko ran wa lowo.

A n se idanilekoo fawon fijilante to ba n lo ibon.

O wa daadaa, tori e ni mo se soro nipa ileeko ti a sese da sile, ti a si n pe awon olopaa lati wa fun awa Fijilante ni idanilekoo. Ise yi, ise to lagbara ni. Kii se gbogbo omo egbe Fijilante lo n gbe ibon, sugbon iwonba awon to n gbebon gbodo gba idanilekoo to to ati eyi to ye nitori ohun ija ti won gbe dani yen, lati fi daabo bo awon eeyan wa ni, ko gbodo tun je ohun to gbodo se awon eeyan wa lose. Idi ni yen ti idanilekoo fi n waye ni gbogbo igba.

Ipenija ti a koko koju

Looto ni, e se. Ipenija ti a ni ni ti aini owo to to, eyi to n ba gbogbo awon ijoba wa finra. Awon nkan to ye ka ri gba lati owo ijoba lati fi se awon nnkan ti a fee se, aini owo ni ko je ki a le se awon nnkan min in.

Bi e ba wo gbogbo awon moto wa ti a n lo, ti a n pe ni patrol vehicle yi lati gba lati odun 2011, to je pe won ti gbo, won ti denu kole. Ara ipenija ti a ni niyen, sugbon a tiraka lati tun won se, won ti pada senu ise, eyi naa tun je lara awon aseyori ti mi o ranti menuba.

Ipenija nla to daju ni ti ainito owo. Awon moto to ye ka maa fi sise ni ko to, bee naa ni ti awon irinse to ye ka lo lati fi koju awon kolorosi eeyan ni ko si. Bakan naa ti e ba wo, ijoba ko lo n san owo gbogbo awon osise Fijilante ti a ni nipinle Ogun, iwonba la n gba lowo won, funra wa la n tiraka lati san owo fawon toku, awon to n gbese fun wa, owo ta n ri nibe la fi n sanwo fun won, sugbon Olorun n ti wa leyin lati koju ipenija yii.

Ijiya wa fun fijilante to ba si ise se

Gbogbo idanilekoo ti a ni a n se fawon eeyan wa, awon kan wa ti a pe ni orientation programme lati maa fi ran won leti awon ilana ati ofin (code of conduct) ajo Fijilante, eyi to so nipa bi won se gbodo huwa, awon nkan to ye ki won se atawon nkan ti won o gbodo se.

A rii pe  akoko se awon nkan yen fun won lati ran won leti ise won lawujo. Leyin ti a ti se awon nkan won yi tan, a a waa ri pe ko seni to maa wa so pe oun ko mo awon nnkan to ye.

A tun ti wa yan awon kan to je pe awon ni won wa nidi ibi ti won ti n ye ejo awon eeyan wo, ti won si n so awon ijiya to to fun iru awon eeyan bee. Eni to ye ka da duro fungba die, a a lo, eni to ye ka le danu patapata, a a lo, eni to ye ka ro loye, a a se. ti e ba ri lenu ojo meta yi, e e ri pe e o le gburo Fijilante pe ko wu awon iwa ti ko bojumu lawujo, gege bo se wopo tele.

Ko si isinmi rara nidi ise yii, sugbon sa.

Ko ma si isinmi rara fun mi. ti m ba ti debi ise laaro, o tun di ale patapata ki n to lo sile, ale ti mo ba tun loo sile naa, ero ibanisoro mi o gbodo ku, o gbodo wa legbe mi niseju-iseju ni, nitori pe bi won ba pe mi pe won ni ipenija nibikibi, mo gbodo pe awon oga to wa lagbegbe naa lati lo o ba won. Bi mo sun naa, oorun aisundokan ko si.

 Ojo Aiku Sannde ni mo maa n fi sinmi, ti m ba ti se tan nile ijosin, maa wa sibi ise, ise ojo yen kii dabi taarin ose. Ti mo ba ti wa sibi ise yi, ori aga to wa ni ofiisi mi ni mo maa rora fegbe lele si lati sinmi die.

Leyin wakati meta maa sese loo sile lati loo ba awon ebi mi sere, ti maa si gbe won jade loo sibi to ba wu mi. Asiko yen ni mo maa n ri aaye lati ba won sere, ti a si soro molebi, oro baba somo, oko si aya.

Awa naa ti n gbaradi fun eto aabo fodun2019

Imurasile Fijilante atawon osise alaabo ni lati rii pe a so akiti mo apa lati ko gbogbo awon kolorosi eeyan to wa ni awujo wa to le fee ba oselu awaarawa yi je, a pale won mo.

Awon kan wa to je pe asiko oselu yii ni won maa loo ko ibon wole, ti won a loo yo ada, ti won a loo ko awon ohun ija oloro lati lo maa fi sose fun awon oloselu alatako won tabi awon ti won ba n ba ara won dupo.

A ti mura sile lati se ohun to to ati ohun to ye. Nnkan to sele ni pe ko si eyi to kan wa pelu oro oselu. Osise alaabo kankan ko gbodo fara mo egbe oselu kankan, a gbodo rii daju pe aabo to peye wa fawon araalu lasiko idibo. Okan awon araalu gbodo bale pe asiko to m bo yi, ko nii si wahala fun won.