Ẹgbẹ oṣelu ADC Ogun fẹẹ ki alaga wọn lapapọ ṣewadii alaga wọn lori awọn ẹsun magomago, iṣiagbara lo atawọn mii.

Kaka ki wahala to n waye ninu ẹgbẹ oṣelu ADC nipinlẹ Ogun, to jẹ ki wọn meji dinku ṣe lo tun le koko si, ti ko ti si ọna abayọ lori ẹ.

Ọna mii lo tun gbsyọ bayii, nitori bawọn kan ninu ẹgbẹ ọhun ṣe kọ lẹta ẹhonu wọn han si alaga ẹgbẹ naa lapapọ lati ṣewadii lori awọn ẹsun kan ti wọn fi kan alaga wọn, Ọtunba  Fẹmi Patirck Ṣoluade.

Gẹgẹ iwe ti wọn fi sọwọ si wa ni wọn ti rọ alaga ẹgbẹ naa lapapọ lati wọdi alaga ẹgbẹ wọn yii lati waa ṣalaye ara ẹ.

Lara ẹsun ti wọn fi kan an ni pe ko wa sọ nipa bo ṣe n ṣe owo ẹgbẹ baṣubaṣu latigba ti Itunu Abioro, to jẹ alaga ẹgbẹ naa tẹlẹ ti fi ipo silẹ.

Wọn sọ pe awọn fẹẹ mọ nipa bo ṣe n ṣe owo ẹgbẹ ọhun to wa ni Steirling bank, wọn lawọn fẹẹ mọ boya alaga wọn yii nawo ọhun lọna tooto tabi o da ijọba tara ẹ ṣe lee lori.

Bẹẹ ni wọn tun fẹsun kanan pe ṣe lo yọ awọn yooku ti wọn gbọdọ kọwọ bọwe owo ni banki la jẹ ki ẹgbẹ mọ.

Awọn ọmp ẹgbẹ ọhun tun fẹsun kan alaga wọn yii pe latigba to ti dori ipo to wa yii lo ti n ṣiwa wu sawọn ọmọ ẹgbẹ, ti wọn lo n lo agbara le wọn lori.

Wọn ni eyi to buru ju nibẹ ni bo ṣe yẹyẹ igbakeji ẹ nita gbangba nibi ayẹyẹ kan to si jẹ pe latigba naa ni ara onitọhun ko ti ya, ti aisan rọpa rọsẹ si n yọọ lẹnu titi di akoko yii.

Wọn ni bo tilẹ jẹ pẹ awọn ko le sọ pato okunfa aisan igbakeji ẹ yii amọ ko le ṣe lẹyin bi Soluade ṣe ba a ja nita gbangba.

Bẹẹ ni wọn sọ pe ọpọ owo awọn oludije lo dari sinu akaunti ẹ, ti wọb ni ko jẹ ki wọn ṣan si apo oṣuwọn ẹgbẹ.

Awọn ọmọ ẹgbẹ ọhun wa rawọ ẹbẹ si awọn olori wọn niluu Abuja lati bawọn ṣewadii finnifini ki wọn si gbe igbesẹ to yẹ lee lori.

Wọn rọ wọn lati gbe awọn igbimọ kọọkan dide ṣe iwadii lori awọn ẹsun ti wọn fi kanl alaga wọn, to fi mọ awọn to mọ nipa ayẹwo owo, ki wọn si ri okodoro mu.

Awọn to fọwọ si lẹta ẹhonu ọhun ni Hudus Dubaja Idris,Ismaila Adejumọ, Temitọpẹ Adebayọ ati Raṣidat Yẹkinni.

Amọ sa, Ọgbẹni Adebayọ Yunus, to jẹ ti ikọ Fẹmi Ṣoluade ti fesi pe gbogbo ẹsun ti wọn fi kan alaa wọn ko lẹsẹ nilẹ ati pe iṣẹ oṣelu.

Ninu atẹranṣẹ to fi sọwọ si wa lalẹ yii lo ti sọ pe  lootọ ni wọn le fẹsun kan eeyan nidii oṣelu, ṣugbọn eyi to ṣe pataki ni lati ri aridaju ati koko ninu ẹ.

O fikun ọrọ ẹ pe nnkan pataki tawọn ọmọ ẹgbẹ ADC ipinlẹ Ogun n fẹ ni bi ayipada rere yoo ṣe bọjọ iwaju wọn ti ẹgbẹ ọhun yoo tun fi gbooro si

Bẹẹ lo sọ pe lsipẹ yii ni gbogbo alaga ẹgbẹ lawọn ijọba ibilẹ jade sita ti wọn fi igbagbọ wọn han si alaga wọn yii.