Ọwọ mi ni iṣakoso tikẹẹti garaji lakooko ọsẹ awakọ- Iyẹru

 

 

Alaaji Akeem Bọdunrin,tọpọ mọ si Iyẹru, to jẹ alaga to n ṣakoso ọrọ garaji nipinlẹ Ogun, ti sọ pe ko si oootọ ninu ahesọ tawọn kan n gbe kaakiri pe wọn ti gbakoso lati maa ja tikẹẹti ni garaji lakooko ọsẹ  NURTW lọwọ oun, o ni titi di akoko yii oun loun si n paṣẹ.

 O sọrọ yii lakooko to n bawọn oniroyin sọrọ lori ipo ti ẹgbẹ awakọ NURTW wa lakooko yii, o ni bigba to jẹ pe awọn kan n wọna lati da wahala silẹ, eyi to ni agbara wọn ko nii le ka ti wọn ba daa silẹ.

 Ọkunrin naa sọ pe iroyin to gba igboro pe oun ko si labẹ isakoso jija tikẹẹti lakooko ọsẹ NURTW ko loootọ ninu ati pe lọpọ igba nijọba ipinlẹ Ogun labẹ kọmiṣana to n ri si igbodegbodo, iyẹn Ọgbẹni. Gbenga Dairo  NURTW  ti maa n sọ pe titi di akoko yii ni wọn ṣi fofin de ẹgbẹ awakọ nipinlẹ naa.

O ni " Bi ẹ ṣe ri bayii, a ṣẹṣẹ pari ipade ọlọsọọsẹ wa, ko si si wahala kankan laarin wa ati lawọn garaji pẹlu. Mo wa fi n da gbogbo araalu loju pe ko si awuyewuye kankan laarin wa ati pe emi ni mo ṣi wa nipo ti Gomina Abiọdun fi mi si naa.

Lori ọrọ ta lo gba akoso ọfiisi ẹgbẹ naa, Iyẹru sọ pe oun ko ro pe o yẹ kawọn kọbiara lee lori, eyi to ṣe Pataki to yẹ kawọn maa beere lọwọ ara wọn ni pe ta ni Gomina Dapọ Abiọdun fi jẹ alaga ẹni ti yoo maa ja tikẹẹti lakooko tawọn awakọ ba n ṣiṣẹ.