Efele di alaga igbimo alamojuto fegbe roodu nipinle Ogun.

Lati le je ki alaafia joba ninu egbe roodu, ki nnkan si pada bo sipo gege bo se wa tele, igbimo egbe naa lapapo iyen Road Transport Employer Association of Nigeria, RTEAN  ti kede Oluomo Akibu Titilayo, topo mo si Efele gege bi alaga tuntun ti yoo dari igbimo ti won sese yan.

 Ninu atejade to te wa lowo, aare egbe naa lapapo Alaaji Musa Muhammed ati akowe e, Henry Ejiofor Ugwu lo fowo sawon igbimo tuntun naa pelu ase pe ki won loo bere ise ni kiakia.

Awon yooku ti won tun yan lati je igbimo alamojuto naa ni Tiwalade Akingbade gege bi akowe nigba ti Alaaji Kayode Inuolaji si je akapo.

 Awon yooku tun ni Alaaji Rilwan Lamidi, Alaaji Yinka Oshikoya, Oloye Segun Johnson,Ogbeni FOS Folarin, Alaaji Yaya Oriyomi, Alaaji Muniru Jimoh, Alaaji Akeem Kolawole, Alaaji Monsuru Owookade, Dokita Gbenga Odusanya, Ogbeni Segun Shabi, Alaaji Fatai Sanni ati  Ogbeni Kayode Kehinde.

Alaaji Musa Muhammed, aare egbe naa ti wa ro awon igbimo tuntun ti won sese yan naa pe ki won rii pe won sa agbara won lati je ki isokan wa ninu egbe naa, ki won si sise won gege bi ofin egbe se laa sile fun won.

Bee lo tun ro won lati ri pe won fowosowopo pelu Gomina Dapo Abiodun  ninu ijoba e, ki won si faye ore sile pelu awon eeyan won lawon garaji to wa nipinle naa.

Ni bayii, Efele, alaga igbimo alamojuto ti won sese yan ti mu dawon omo egbe naa loju pe oun yoo ri pe alaafia joba ninu egbe roodu ati pe ko ni saye pe oun yoo maa da ijoba se.

O  tun so pe gbogbo omo ni aye wa fun lati ri oun fun idagbasoke ati ilosiwaju egbe naa. O wa lo akoko naa lati dupe lowo aare egbe naa fun anfaani nla ti won foun atawon igbimo yooku pelu ileri pe awon ko ni doju ti won.