Ijoba ipinle Ogun kilo fawon araalu ki won ye dale soju agbara - BO SE RI

Breaking

Sunday, 9 June 2019

Ijoba ipinle Ogun kilo fawon araalu ki won ye dale soju agbara


Lati le dekun agbara ojo to le mu emi lo tabi ba dukia je, ijoba ipinle Ogun ti kilo fawon to n gbe lawon ibi ti odo wa, ki won ye dale soju agbara, lati le dekun omiyale, agbara ya soobu.

Ikilo yii waye lakooko ti igbakeji gomina nipinle Ogun, Noimot Salako- Oyedele, sabewo sawon ibi ti ojo to ro lojobo, Tosidee, ose to koja se lose.

O ni okan lara awon isoro to koju awon eeyan ni aimoye odun seyin lawon ile ti won ti gbo, ti won ko latunse latile wa, iru awon ile atijo bee wa lara awon ohun to sokunfa omiyale naa.

O ni akiyesi tawon tun se ni bi ko se si aye fun omi lati san daadaa lo n je ki won ya oju ona ti moto n rin ati pe bawon eeyan se n dale sawon odo yen ko je ki omi raye loo bo se ye ko lo, idi niyii to fi kilo fun won pe ki won ye dale sinu odo mo.

Igbakeji gomina tun so pe asise bi won ko se faye sile lati je ki odo san ki won to ko awon ile kan tun wa lara awon ohun to tun sokunfa.

O ni lati le fopin sawon isoro yii, idi niyii tijoba ipinle Ogun pelu ifowosowopo ijoba apapo se n gbe igbese lati bere ise lori awon nnkan to le fa ijanmba omiyale, ki won si fopin sii.
Nigba to n soro nipa odo Sokori, eyi to so pe o gba gbogbo Abeokuta koja, Enjinia Kayode Ademolake, to je akowe agba nileese to n ri si oro ise ati imayederun nipinle Ogun, so pe odo naa wa  lati odo Ogun oun lo si de Itoku niwon kilomita oodunrun to gba opo biriji koja.

O fi kun oro e pe opo awon biriji ti won se ni omi ko raye lati gba ori e daadaa lati koja, idi niyii to fi n ya kaakiri, to fi de awon oju ona ti moto n gba.

Nigba to n soro lori bijoba se fee da si lati dena omiyale yii, akowe agba nileese to ri si awujo, so pe awon ti setan lati bere si ni bawon eeyan soro lori ki won ye dale sinu odo mo ati ona ti won le je ki agbegbe won wa ni imototo.

Lara awon to ba igbakeji gomina sabewo kaakiri naa ni Lanre Bisiriyu, to je olori awon osise, Alaaji  Salisu Shuaibu.


Awon yooku ni akowe agba nileese to n ri si oro ise ati imayederun, Kayode Ademolake, Yetunde Dina ati Nafiu Adebiyi pelu awon mii in.

No comments:

Post a comment

Pages