Dapo Abiodun gba awon asofin agba lamoran

Bi awon omo ile igbimo asofin agba se bere isinmi olose meji bayii, Gomina Dapo Abiodun, tipinle Ogun ti ki awon eeyan naa ku oriire pelu amoran pe ki won lo isinmi ti won n lo naa lati fi sabewo sawon ti soju fun lati mo awon eto ti won n fe lawon agbegbe won lati fi sagbega fun eto isejoba tuntun yii..

Ninu atejade ti akowe iroyin gomina, Ogbeni Kunle Somorin, fi sita lo ti fi idunnu e han lori aseyori ti won se lati yan awon asaaju won fun ile igbimo asofin eleekesan ni asofin agba ati asoju-sofin.

O ni ibo awon asaaju asofin to waye nirowo rose je eyi to dara ju to mu idagbasoke ba ijoba tiwa-n-tiwa ba orileede wa. O ibo to gbe Seneto Ahmad Lawan ati Femi Gbajabiamila gege bi olori ile igbimo asofin ati asoju sofin tun je ki isokan tun joba pelu.

Gomina Abiodun tun salaye siwaju pe ibo to waye laarin awon naa ko ya oun lenu, eyi fihan pe won fun Mohammed Buhari latileyin to lagbara lati le seto ijoba tiwa-n-tiwa lona ti yoo mu irorun ba araalu.

O wa so pe bi gbogbo wa se n foju sona lati je ki isokan tun joba lati le je ki orileede yii tun dagbasoke, o ro awon omo ile igbimo asofin pe ise won ni lati koju mo sise awon ofin ti yoo tubo mu isokan ba wa fun ti isejoba tuntun.

O wa tun ro won lati fara won ji ki erongba ipele miran an ti Buhari rawo le nini ijoba eleekeji e yii ko le kese jari, ko si le ni itumo rere ninu igbe aye awon omo orileede yii.

Bee lo tun gba lamora ki won ma se fi awon ofin ti won ba n se fale rara.