Atunse ona igberiko fun idagbsoke ise ogbin lo je RAMP logun- Ubandoma Ularamu

Ogbeni Ubandoma Ularamu to je alakoso RAMP lakooko to n ba awon oniroyin soro

Ipinle marun un la gbo pe won ti je anfaani atunse ona igberiko labe ijoba apapo labe ileese to n si sisatunse awon ona to wa ni igberikoi iyen National Coordinator, Rural Access Mobility Project (RAMP), ki nnkan ba le rorun fun ise ogbin atawon agbe ni orileede yii.

Ogbeni Ubandoma Ularamu to je alakoso ileese naa lo soro yii lojoruu, Wesidee, niluu Calabar lakooko ti won se idanilekoo eyi ti osise idagbasoke ibaraenisoro,tileese RAMP sagbateru e.

O so pe ohun pataki to je ileeese naa loju ni lati maa wa bi atunse yoo se de ba awon ona igberiko lawon ipinle ti won kopa nibi akanse eto naa. O so pe awon ipinle marun un ti won ti setan fun eto naa ni.Osun, Imo, Enugu, Adamawa ati Niger .

Bee lo ni awon ipinle mejidinlogun kan lawon tun ti setan lati sagbeteru won pelu awon orisirisi ileeese idagbasoke tawon jo n sise po, lara won ni  banki agbaye, ajo to n ri si idagbasoke banki nile Africa iyen African Development Bank (AfDB),atawon mii in.

Declan Okpalaeke, Muyiwa Popoola ati Abigail Ogwezzt-Ndisika,  awon oludanilekoo nibi idanileko olojo marun un naa

Ularamu tun salaye pe ogota milionu dola lawon ipinle kookan yoo gba lati fi seto iranwo eedegbeta kilomita atunse awon ona ati sise biriji sawon odo lawon igberiko naa. Sugbon saa o, ida meta ninu owo naa lawon nireti pe awon ipinle naa yoo san lati fi lowo si eto naa.

 Gege bo tun se wi, o ni awon nnkan tawon wo fawon ipinle ti won ti dagba soke pelu ajo banki agbaye, eyi to so pe o nii se pelu isejoba, o ni awon tawon wo naa nii pelu oselu, eyi to so pe ipinle Cross River janfaani akoko ninu eto naa nitori oju ojo won dara, ko si si wahala nipinle naa.

Alakoso ileeese naa ni idi niyii tawon fi mu awon eeyan won wa si ipinle Cross River lati wa wo awon ise akanse ti won ti se nibe kawon naa si ri eko ko.

Awon olukopa nibi idanilekoo naa

O wa ro awon agbasese ti won sise lawon igberiko naa lati gba awon osise lawon agbegbe ibi ti won ti n sise, eyi yoo si je anfaani lati pese ise fawon ti ko ni, tawon naa yoo si ni ipin ninu ise naa.

Bee lo menuba isoro to n dojuko won bii airowo,aini ifowosowopo pelu awon agbegbe ati abo ti ko peye,sugbon o ni awon sa agbara won lati wa ojutu si ipenija won yii.

O wa ro gbogbo olukopa nibi idanilekoo naa lati lo anfaani ti won ri yii fi polongo ise ti RAMP se, ko le saseyori.

Bakan naa ni Dokita Sam Abah, to je lara awon oluwadii so nibi eto naa pe osi ati iponju je okan lara isoro to n ba awon eeyan agbegbe igberiko finra lorileede yii, bee lo ni ko si ipinle ti ko foju winna e pelu.

 O wa so pe pelu bi nnkan se n loo yii, igba ti osise idagbasoke ibaraenisoro yoo ba fi bere ise ni perei, ti won tan imole RAMP kale awon eeyan ti won jo sise po, won yoo rii pe atunse ba awon igberiko wa daadaa. O ni owo ti wa nile sugbon bise naa se n lo ni ko tii dara to.

Gbogbo awon to kopa nibi idanilekoo naa ni won gboriyin fun Oloye Audu Ogbeh to je minisita feto ogbin lorileede yii lori bi won se sagbekale eto naa, won ni ogbon tawon ko nibi idanilekoo naa yoo wulo fawon tawon ba de ipinle won.