Owo tete ni Ladi Adebutu fee fi ba egbe PDP je nipinle Ogun - BO SE RI

Breaking

Saturday, 19 August 2017

Owo tete ni Ladi Adebutu fee fi ba egbe PDP je nipinle Ogun

Kii se tuntun mo pe wahala kekere ko lo m sele ninu egbe PDP nipinle Ogun, oro won ti di egbinrin ote to je pe bi won se n pa kan ni omin in tun bere. Lojo Isegun ni Adebayo Dayo ni alaga egbe naa ba BO SE RI soro lori awon awuyewuye naa,ati bi won se gbe Markafi ati igbimo fidihe loo sile ejo. Boro naa se loo niyi.
 
Oruko mi ni Oloye Adebayo Dayo, Akogun Ijapara ni Ijebu Igbo, alaga egbe oselu PDP nipinle Ogun lodun 2012 di akoko yii, mo ti koko je alaga egbe naa laarin 2012 si 2016, ko to di pe won tun dibo yan mi leekeji. Nitori ofin egbe wa gba wa laye pe eni to ba se alaga lakoko tun le se e ni eleekeji, nitori idi eyi eleekeji  ni mo n lo loo yi.

Bi irinajo naa se bere
 E je ki a tan imole si ko yee yin daadaa, nigba ti mo n se alaga loo, won kowe si wa lati Abuja pe ki alaga kookan wa  ra foomu,  eyi ti won yoo fi dije fun ipo, mo loo si Abuja, mi san milionu mesan naira ati egberun din die legberin naira,(9,762,000milionu naira) fawon to fee dije nipinle Ogun, mo si tun ra kaadi egberun mewaa tiye e je milionu meji abo naira, mo ko wa sipinle Ogun.

Sugbon ko to to yen, awon kan ti won wa ninu egbe Labour Party, Otunba Gbenga Daniel pelu Ladi Adebutu, ninu osu kokanla odun 2014 ni won wa darapo mo egbe PDP, ti mo si loo si Abuja ni eemeta lati gba foomu ti won yoo fi foju fo won da lati dije iyen Waiver, ki won le kopa lati dije.

Nitori egbe PDP so pe eni ti ko ba ti lo odun meji ninu egbe ko le gbe apoti pe oun fee se ohunkohun, a fi ti won ba foju fo won. Egbe lapapo lo si le se , emi ni mo ko iwe won loo si Abuja.

Eemeta ototo ni mo loo si Abuja nitori ki won le dije. Bi kii ba se bee ni 2016 ni won ko ba letoo lati dije. Ko seni to fun mi ni kobo ninu won, ofe ni mo loo se, gbogbo owo ta n soro e, pe a gba foomu a n se gbogbo e, enikan soso, Buruji Kashamu, oun nikan lo n nawo egbe, to si gbo bukata e.

Bi won se gba foomu lodo wa ti Ladi omo Adebutu wole gege bi asojusofin, eni ti ko tii letoo lati so pe ohun fee gbapoti kan, bo se wole, lo ti yara e soto pe gomina loun fee se.

A si mo pe Gbenga Daniel, Remo lo soju fun, to fi wole gomina fodun mejo, bawo ni elomin in yoo tun se wa dije pe oun fee se gomina lati Remo, nigba ti kii sawon nikan lo wa nipinle Ogun.

Sugbon owo oojo, owo omo alaigboran ti won n ri lojoojumo, ninu awon to n ta tete, owo yen lo n ti won,  pe awon fee se gomina lati Remo. Oro e bi ti Yayi to loun fee wa se gomina nipinle Ogun, to si n se Senato fun Eko lowolowo, ibo ti won si di ni osu to koja ni Ekoo Yayi loo dibo nibe.

Iru e ni Ladi Adebutu fee se to mo pe Remo ti se odun mejo. Nigba ti oro ipade gbogbogbo iyen congress bo, Ladi loo si Abuja, o loun naa fee ra foomu, won wa beere lowo e pe bawo lo se fee ra, se oun ni alaga egbe nipinle Ogun ni, won ni to ba fee ra foomu ko pada si ipinle e.

Ladi Adebutu atawon omo eyin e ko ra foomu, se ni won lo te todo ti won ni. nigba ta n se congress mo ko si iwe iroyin  kii se pe a yoo se, o si loo ni alaafia. Awon Ladi ko wa, won ko si gba foomu, gbogbo awon agbofinro lo wa nibe.

Nigba tawon kan pariwo pe awon lawon ni alaga, a loo si kootu pe ki won gba wa lowo awon eeyan ti won dibo leyin ta wole. Kootu ye iwe wo, won la wa la ni Oloye egbe ipinle Ogun titi di 2020 bi oro se loo niyen, latigba naa won gbokiti.

Nitori baba Ladi ra oteeli si Abeokuta, ibe ni won fi se sekiteriati, ibe ni won lo jokoo si, ti won ko obinrin, ti won si n muti, apeje ni won se be, kii se oselu. Nigba ti egbe pin meji ni Abuja, won loo si egbe kan, emi si ree alaga PDP ni mi, mi o ni da apa kan si fi apa kan sile, Markafi pe ipade ni Abuja mo loo sibe, nigba ti wahala naa po, mo loo sibe, Shefiu naa pe ipade tie ti mo n loo, awon mejeeji ni mo gba ni temi o.

Sugbon awon gba pe Markafi ni tawon to ba ti de be, o maa se tawon, nigba tile ejo giga julo si so pe Markafi lawon gba, mo ni lati ko leta fi kii ku oriire, a si n ba aniyan loo.

Se ni won wa loo lo ese lodo Markafi, a si ti n loo si ipade nile egbe wa ni abuja, ohun lo ga ju lo ayafi ipade gbogbogbo iyen konfesan lo tun fee ju lo. Nibe ni won ti so pe ipade ta ti se ka to loo si Port Harcourt lawon gba wole, pe gbogbo won lo yege, a fi awon ipinle mefa ti won ko tii se ti won, pe awon lo maa se.

Afigba ti won so pe won fee pe ipade gbogboogbo min in ta si loo sipade nibe, ti enikan si so pe awon fee ki won bawon gbe Sikiru Ogundele sipinle Ogun, nigba ti ariyanjiyan  won ko mo nnkan ti won n se, won wa lawon tu oloye ipinle Ogun ka. Awon ti gbagbe pe ofin to gbe awon dori aleefa, ti won fa lati ile ejo giga loo si ko te mi lorun titi de eji to g ju lo patapata, ko to fidi won mule, ojo naa ni Sherif ti ko eru e kuro ni ofiisi egbe wa.

Ofin naa a lo gbe awa naa duro nipinle Ogun, idajo ta gba, gbogbo e lo wa lowo wa, ko si seni to pe ejo kotemilorun lori e, ejo naa la duro le lori.ojobo ti ipade ti won se gbeyin yi ku otunla la tun lo gba ase min in ni kootu pe won ko gbodo so pe ka maa wa sibe, atawon asoju won, gbogbo e ni won gbo. A fi bi won se so pe awon tu egbe ka, a si kowe si won pe ori ere igi leyi ti won se yen.

Nitori e, ofin to gbeyin duro gege bi alaga, ohun lo gbe awa naa duro nipinle Ogun. Bi a ba si loo si kootu kotemilorun to so pe a ko lagbara lati wa nibe, ojo naa la maa ko eru wa. Sugbon owo ti a wa yii, bi e ba yan awon oloye fidihe, ko le seese o, nitori awa la wa nibe o.

Ayo Fayose lo mu Sherif wa ba wa gege bi alaga
Muazu lo je gege bi alaga lapapo, to seto ipade gbogbogbo ta se ti mo si wole leekeji, nigba ti Muazu kuro nibe leyin ibo, ni igbakeji e gbakoso ti won so pe won ti gbe ipo alaga egbe PDP wa si North, won ni awon ni won yoo fa alaga sile.

Awa loo si Abuja,  awa alaga pe ipade si ago mejila, ipade yen la n se loo ti Ayodele Fayose peluu Wike ati Mimiko peluu awon gomina meji mi in, won ka ni ka jo o, awon gbe enikan bo, latise alaga, eni naa lowo lowo, o si ti se gomina ati senato ri, iyen Ali Modu Sherif .

Alaga Borno dide pe awon ko le gba pe Sherif to sese darapo mo egbe ko di alaga, won lawon ko le gba, nitori awon mo daadaa. Gbogbo alaga so pe oro le gbo bii  Ayo Fayose se n be wa niyen, nigba ti ebe si po la bere si ni be alaga Borno pe ko gboro si lenu, nigba ta de isale, awon BOT so pe awon naa ko gba ti Sherif, awa alaga la si poju nigba ta be awon naa ni won gboro si wa lenu, Ayo Fayose lo mu Sherif wa o.
Nigba to ba si mu eeyan wa, ta gba towo tese, to wa de aarin meji to so pe o se tie mo, bi emi se wa yii, a jo daa PDP sile ni, emi ni mo koko gba alaga egbe nigba ijoba ibile wa ni Ijebu Igbo, won so nigba naa pe egbe Hausa, awon ko se, emi ko boju weyin o, mi o loo segbe mi.

 Gbenga Daniel, AD lo ti wa, awa la gba segbe. Gbogbo won lo wa pe ara won ni olori egbe bayii, nigba ti won ba ti rowo ji nijoba, won a so pe awon ti di olori. Se ni ki eeyin oniwe iroyin gbe wa lowo awon to n rowo ijoba ji, ti won so ara won di asaaju apapandodo, awon ni OGD atawon min in. nigba ti OGD binu 2011 pe won ko je ko fa gomina sile, lo loo darapo mo PPN, nigba to se tiko muna doko lo loo si Labour Party, leyin naa lo pada wa si PDP, emi ti mo loo gba  waiver fun ni yii, nitori o gba foomu pe o fee loo fun Senato, ki Buruji to na o.

Bi isokan yoo se joba ninu egbe ni mo fee se tele
Nnkan temi fee se tele ti ko ba se rogbodiyan tawon omo egbe ti won wa lodo Ladi Adebutu, ti won fowo tete da egbe ru ni pe, kii pe awon agba egbe bii marun un si koro inu yara, ki n si be won pe eleyii ko se da se, bi kii se kaa di okan,  ko danmoran nipinle Ogun. Ohun ti mo fee se ni pe ki n pe awon Dimeji Bankole, OGD, Ladi Adebutu to n fowo da gbogbo e ru, ka pe Buruji Kashamu to je olori wa, ka be won, leyin naa ka bere ajosepo to danmoran.

Idi tawon kan fi gba Mega Party loo
Eni to ba wa nibi kan tawon kan fee fi owo ola gba loju, ti ko si ye ko ribe, Aimoye igba ni Omisore jade ni Osun to loun fee se gomina, ti ko seesee, nitori  Olorun ko fowo sii. Sugbon ni Osun to so ara e di igbakeji orisa pe oun ni Olorun won, ipade NEC ta se, bi won se gba ti wa wole ni won gba ti Osun naa wole, sugbon ti ko te Omisore lorun, se e mo pe awon to wa ni Abuja ko mo pe awon Omisore ko je nnkan kan nile, won ko le gbapoti kanselo ki won wole, sugbon nigba ti won ti ri won peluu ibo ti won wa ni won fi gboro si won lenu, ohun lo da awuyewuye sile.

Nigba ti won ba si rip e orogun iya won ji oun jo lo, o gbodo wa ona abayo idi niyii tawon eeyan fi loo si mega Party o. Egbe naa si ti gbayi yi gan ni Ekiti, Osun, ohun to le fa ti egbe naa ko fi ni gbayi mo ni ki awon PDP sootito, ti won ba so tito, gbogbo awon to lo si mega party la maa ba soro, sugbon lai ba won soro, ewu n be loko longe.

Emi ni mo mu Ayo Fayose mo Buruji
Ayo Fayose to loo kaakiri asiri ti tu, a ti ri furo adie, ogbologbo ole ni, nitori nigba tijoba lo wo akanti e, aimoye milionu ni won ba nibe o. emi ti mo mu Ayo Fayose mo Buruji ree lojo to wa si Abuja, a ko mo ri, a kan maa n gboruko e ni, nigba to si wa ba wa, o ni e joo, eni ti won pe ni Buruji loun wa, o ni, se a mo oun ni, o so pe oun ni Ayodele Fayose, a ba ni ko jokoo.

A wonu yara loo, a lo ba olori wa Kashamu lori bedi e, pata nikan lo wa nidi e, pe enikan to je Fayose loun fee ri yin. Won ni ko wole, nigba to si wole la wa kuro nibe, nigba to maa jade bayii, omi n bo loju e, o ni Abuja toun wa yii, oun ko rowo ra first class tikeeti, pe Economi loun ba de bi, o loun ko reeyan bi tie ri, o lo foun ni 20,000dollars pe koun loo maa fi ba ise loo.

Bi Buruji se bere to gbase Fayose se niyen, Aimoye je tirela iresi, kerosini ta gbe loo si Ekiti fun ipolongo ibo awa o le so pe iye bayii ni okunrin naa na lori Fayose. Bi o se dori oye, ti agbara te lowo si e, lo gba pe oun ni igbakeji Olorun le won lori, iyen lo fa ti mega party fi gbale ni  Ekiti, kawon  Markafi ya mo ise ti won yoo se, Ki gbogbo awon to loo le pada saye won. 

Emi ko le kuro ninu PDP
Oro temi yato si ti gbogbo won, nibo lemi n loo, nigba ti mo maa rale ile akoko laye, 1974 ni, ni England omo odun mokandinlogbon ni mi, kii se agbara mi ni mo fi wa nibi, odun mejilelaadorin ni mo pe lodun yii, nibo ni mo n loo, awon jegudu jera ni won maa so pe orun igi laparo ku si. 

Gbogbo omo mi pata ni mo ti so pe mi o gbodo ri won ninu oselu, emi ti mo ti rari si, to ba di odun meji si akoko yii, no no maa fi sile patapata, ibikibi to wa ko ja si, leyin naa ni mo tun ba eeyan jade mo fun oselu, emi o loo sibi kankan. 

Ko seni to le da mi duro ninu egbe
Kin ni esun naa ti won so fun yin pe a se, se a loo si APC tabi akoko pe, Buruji lo sanwo egbe. Fun odun mejo ti OGD fi se ijoba egberun lona aadota naira lo fun wa, gbogbo won ko de Sekiteriati fodun merin, won ko wa si ipinle Ogun. Agbara wo ni won ni lati fi da wa duro, Markafi gan ko ni ase lati so pe oun da senato duro, ko si eni to le fiya je wa, a fi NEC, bawo ni Gbenga Daniel atawon Ladi ti mo fun ni tikeeti so pe oun maa da seria a fun mi. 

No comments:

Post a comment

Pages