Yayi pariwo: Mi o tii kede pe mo fẹẹ jade dupo Gomina ooo

Sẹnetọ Ọlamilekan Solomon Adeọla, tọpọ mọ si Yayi to n ṣoju ẹkun Ogun East nile igbimọ aṣofin agba niluu Abuja, ti sọ pe titi di akoko yii oun ko ti fi erongba tabi kede pe oun fẹẹ jade dupo gomina lọdun 2027.

Ninu atẹjade kan to fi sita lo ti sọ pe oun ṣi fikunlukun, toun si n wo bi ilana ẹgbẹ oṣslu APC yoo ṣẹ lọ, nitori naa kawọn oloolufẹ si lọ sinmi ẹdọ.

Sẹnetọ Yayi sọrọ yii lakooko to n fi ilodi ẹ han lori bi wọn ṣe lawọn kan n ṣe patako ati posita ti wọn bẹbẹ fun ko jade dupo.

   

O kọkọ dupẹ lọwọ wọn fun ifẹ ti wọn ni si oun, amọ ṣa, ki wọn si sinmi gbogbo eleyii, nitori nnkan ni igba ati akoko wa fun.

O ṣalaye siwaju pe akoko ipongo ko tii bẹrẹ ni pẹrẹu.

Yayi sọ pe" Mo gbọ pe awọn kan ti n gbe patako, ti wọn n ṣe posita lati bẹbẹ erongba mi lati dije fun gominɛ, mo dupẹ fun ifẹ tẹ ẹ ni si mi, ṣugbọn mo rọ yin lati ṣe ṣuuru nitori mi o ti fi erongba mi han lati dije, mo jẹ ẹni ṣe ẹgbẹ tọkantọkan lato bi ọdun marundinlogoji ti mo ti wa nibẹ, mo ṣi n ṣe ifikunkukun lọwọ bẹẹ ni mo tun woye ki wọn gbe ilana ẹgbẹ site"

O wa rọ awọn alatilẹyin ẹ ki wọn ifọkansin pẹlu titi gbogbo nnkan yoo fi yọju.