Tunde Lẹmọ ba Ọbasanjọ ṣajọyọ ayẹyẹ ọjọọbi Mọkandinlaadọrun lori eepẹ.

Oludije Gomina labẹ ẹgbẹ oṣelu APC nipinlẹ Ogun, taye n fẹ,Oloye Tunde Lẹmọ, ti ranṣẹ ikinni ku oriire ọjọọbi kọkandinlaadọrun si aarẹ tẹlẹ lorileede yii, Oluṣẹgun Ọbasanjọ.

Ninu atẹjade ti wọn fi sita ni Lẹmọ ti ṣapejuwe Oloye Oluṣẹgun Ọbasanjọ gẹgẹ bi aṣaaju rere, ti ko ṣe fi lafiwe, pẹlu awọn awokọṣe rere to ṣe e tọka si.

Oludije Gomina naa tun sọ pe " Baba, mo darapọ mọ awọn ọmọ orileede Naijiria paapaa julọ awa ta a jẹ ọmọ bibi ipinlẹ Ogun, lati ki yin ku oriire ọjọọbi ọdun mọkandinlaadọrun, ti ẹ pẹ lorilẹ alaye.

" Awọn ẹri rere lo ti wa nilẹ fawọn ohun ribiribi tẹ ẹ ti fi igbe aye yin ṣe fun ifarajin lati le je ki alaafia jọba lorileede Naijiria.

"Bakan naa ipa yin ko kere ninu ijọba tiwa-n-tiwa, dẹmokireesi, ifọwọsowọpọ lati ma jẹ ki ẹlẹyamẹya waye, aṣaaju rere, to ti fipa rere ti ko ṣe gbagbe lelẹ.Bẹẹ lawọn ipa yin ko tun kere nilẹ Afrika ati gbogbo agbaye"

O waa gbadura pe ki Ọlọrun tunbọ lọra ẹmi Oloye Oluṣẹgun Ọbasanjọ pẹlu ẹmi gungun, ibukun ati alaafia nla.