Won sayeye ojoobi alarinrin fun Yayi niluu Ilaro

Bi o ba je pe bawon eeyan se tu yaya jade wa sibi ayeye ojoobi ti won se fun oludije fun ipo gomina nipinle Ogun labe egbe oselu APC, Seneto Solomon Olalekan Adeola ti won n pe ni Yayi ni won se bee dibo, ti won si tun tan ihinrere okunrin naa jakejado o da ni loju pe ko ni si wahala kankan mo nigba ti ibo naa ba de.

Nitori pe ese o gbero nile okunrin naa to wa niluu Ilaro nibi tawon ololufe e ti se ayeye ojoobi to larinrin naa fun un. Bo tile je pe won ni okunrin oludije naa ko si nile, won lo rin irin ajo loo si orile ede America, sugbon sa, won ko je kawon eeyan mo ala pe ko si nile.

Ariwo Yayi, Yayi lawon to wa nibe n pariwo pe peluu adura pe nigba ti yoo ba fi di iwoyi odun 2019 nile Ijoba ni Yayi yoo wa gege bi gomina lakoko to ba tun fee se iru ojoobi bee.

Ninu oro Onarebu Kunle Adesina to je alaga fegbe oselu APC ni aarin gungun Ogun, iyen Ogun Central, o so pe ko si owo oludije naa kankan ninu inawo ti won se lojo naa, o lawon ololufe e, ni won se e fun un lati fi yaa lenu.

O salaye pe Yayi je omo buje bu danu, to si maa n ran awon eeyan lowo, idi niyii to fi je pe ojooojumo lawon omo leyin e po si.Bakan naa lo so tun so peTekobo loun naa tele,ko to di pe won pe oun wa dupo oselu, toun si wole, amo boun se wole bayii loun ti di Baba Legba.

Bakan naa lo so pe ti Yayi naa maa ri, ni nnkan bi ogun odun sakoko yii, leyin ti okunrin naa ba ti wole sipo gomina, ko ni pada di Tekobo mo, Baba ni Ilaro ni won yoo maa pe.

Okunrin naa tun tesiwaju pe gbogbo ipa ti Yayi ti ko nipinle Ekoo, nibi to ti di ipo oselu muu lati nnkan bii odun merinla ju bee loo seyin,lawon eeyan kan ri ti won fi so pe ki o wa dije nipinle Ogun, o ni bawon ko ba sora, won yoo gba mo awon lowo patapata ni.

Lori pe Yayi kii somo Ilaro to ni awon kan n gbe kaakiri, okunrin naa so pe igba akoko ko ree ti won yoo so iru e, o ni won so iru nnkan bee si Oloye Olusegun Osoba lodun 1990 nigba to koko fee dupo gomina ti won so pe omo Osogbo ni.

O ni se eni to ba sise niluu okeere to bimo sibe, ko gbodo pada silu e mo, o ni niwogba ti ofin ile wa ko ba ti tako,wahala ti won ni. Bee lo tun so pe eegun ile Yayi to jo lojo naa, o ni kii se eegun lasan, o ni ka ni Adeola kii ba somo ilu naa ni, gbogbo nnkan tawon eegun naa se lojo naa, won ko ni le se.

Bakan naa lawon oloselu min in naa tun soro imoriya lojo naa, leyin naa ni won ge akara oyinbo fun ayeye ojo naa. Olorin Juju nni Wole Papa lo fere da awon eeyan lara ya lojo naa.